Á grillið

Kjúklingur með skinni eða með beini ( læri, bringur eða vængir ) henta vel að grilla. Skinnið hjálpar við að halda kjötinu safaríku og beinið gefur aukið bragð út í kjötið.

Marinering gefur kjúklingnum aukið bragð sem og heldur honum safaríkum.
Best er að grilla með óbeinum hita,  Þú getur búið til mismunandi grillfleti á grillinu sem gefa mismunandi hita. Það kallast að vera með beinan hita og óbeinan hita, hvort sem þú kýst að grilla á kolum eða gasi.

Að grilla á beinum hita
Að grilla á beinum hita er svipað og að steikja á háum hita. Maturinn er eldaður á funheitum fletinum. Fyrir jafna eldun er æskilegt að snúa matnum einu sinni yfir allan grilltímann. Þú getur notað beina hitann fyrir mat sem eldast á innan við 25 mínútum. Beinn hiti er líka nauðsynlegur til að loka kjöti almennilega, þá myndast falleg skorpa og svona karamelliseruð áferð þar sem maturinn snertir grindina. Þú færð einnig falleg grillför á yfirborðið og þetta einstaka grillbragð.

Að grilla á óbeinum hita
Að grilla á óbeinum hita er svipað og að steikja í bakaraofni nema þú færð þessa einstöku grilláferð sem þú færð ekki í ofni.  Hitinn stígur upp í lokið og verður jafn inn í öllu grillinu, þannig getur þú hægeldað matinn jafnt á öllum hliðum. Hringrás hitans inn í grillinu virkar eins og í bakaraofni, þess vegna þarftu ekki að snúa matnum. Það er gott að nota þessa aðferð þegar þú ert að grilla mat sem krefst 25 mínútna eða lengri eldunartíma eða þegar þú ert að grilla matvæli sem eru viðkvæm fyrir beinum hita og myndu brenna fljótt.